أحــلى أعضــآاء...

اخواني و خواتي....حبايب قلبي....

عساااكمـ بخير و عافية يااا احلى و اروع و افضل اعضااء...<< من قدكم

حبيت اهنئكم و اشكركم لوصوول المنتدى لهالمستوى البسيط الي على قدنا....

اشكر تفاعلكم و حماسكم و شطانتكم الي مااالها حدوود... لكم في قلبي قدر و ربببببي...

خلنا نتكلم عن كل عضو بروحه...



نبدا بالمدير الثاني المختفي...تاج البلوش....
و خلني اخبركم كيف يت فكرة المنتدى.....كنا انا و تاجوك قاعدين و جذي ملل كل حد جدامه اللاب توب و يفرفر... و هني يت ع بالي الفكرة...الفكرة كانت موجودة...بس قلت خلاص حااان الوقت لتنفيذها.. و تاجوك حمسني اكثر و تمينا ساعة ندور اسم للمنتدى لين ما ربي فرجها.... و ظهرنا بأحلى منتدى سوالفنااا غير...


تاجوك ايها المدير المختفي ننتظر حضورك و وجوودك بيننا ب فااارغ الصبر...


نونااامي....خلصي امتحااناااتج يلااا نترياااج

شيمولا و محمدوه ...ادريبكم حاشريني تبون تشاركون بس تريو علي بيي يوم و بعلمكم عاد متى يي هاليوم الله يعلم...

سلوومي الصغير... حبيب البي حضوورك يسعدنا يلا متى بتشرفنا بمشاركاتك؟

برق السما...موزاان ما باارتنر... ربي يحفظج و يعافيج... لج وحشة و ربي..




و الحين نبلششش بالدوااهي...

ليديز فيرست...


نصرووو.. ام الأفكار و الاقتراحات...مال ضرابات هاي .. تطرد ع كيفها و توصي ... اعرفهااا من تحت لي تحت ... .. شوووكرن من اعمااق عميقاات قلبي على جهوودج ومشاركاتج الفعالة...و اي فكره يديدة لا تبخلينها علينا...و الى الأمااام...


صااحبة الظل الطويييل...نج نج عمان... فلاااااافل....اووول شي اشكرج جدا ع التصميم الروعه.. مبدعه ماشاءالله... احب جدااا اجووف مواضيعج و سوالفج انقع ضحك لما اقراها...وصلي سلامي لأبلة صالحة و نجماتها و طباعتها الي ما تنشف مال احسنت و بارك الله فيكي..للحين محد حصل على ضعيف و مقبول...شفتو كيف طيبة هاي.... ...استمري حبيبتي..


الثلاثي المرح...

بنووتة عماان...هاي للحين ما لقبتها...ندوو ..يبالي اعصر مخي و اطلع لج لقب... هااي شيطاانة و سوالف و ام لسانين بس هادية و قلبها ابيض كيف جي ماادري .. ... بس اموووت عليها يوم اجوفهاا تدافع عني ضد بعض الناس..ياا حبي لج.. و لاعترافاتج (الاحباء و الكرهاء عندي) .. و احلى شي يوم اقرا زاويتج... اشكر فنج و تعابيرج

ميرووه .. هزة ارضية .... ابدااع بلا حدوود...صحيح شيطانة و كلما تجوفني تقول دنمارك و تسوي مقالب و تشرشح و تحب المصارعة و السيارات و العين اهم شي طبعن بس راعية سواالف...حبيبة البي...حبيت اقلج ان امج حطت مناكيرج ف شنطتي و قالت خذيهم ..هههه حلييلج... ..

خبيلة ويش....حبيبتوووو حمدووه..اختااه و ما ادراك ماهي اختااه...قمت ازيغ يوم ارد من الجامعة و اجوفها راقدة..تراني حشرية و هي تتلعوز و تتنرفز خخخ...طالعة علي...و بخصوص ان محد يعبر مواضيعج ... دفااشة الدنيا فيج تقولين مال الديناصورات ام المصارعة...بس طيووووبة و حشرية كمااان طالعه على بعض الناس...قووو أ هيد سيس ....




يينا للتمسايح...قصدي الأبطال..< خلنا نمدحهم شوي ...


تفاااحة الأخضرين...يااا لجمااال هذا النك....صحيح مشاركاته قليلة بس حشري مسوي جو...و نفتقد وجوده كسيرا كسيرا كسيرا..
بقلكم سالفت تفاحة الاخضرين من وين طلعت......اول ما سويت المنتدى قاعدة افكر شوو اسمي نفسي ...طبعن كاليا هذا اسم قديم ورثته من الآباء و الاجداد لكن قلنا نغير شوي... و هو حضرته حمادو كان مشغول يذاكر مادري شو يسوي المووهيم..انا حاشرته كل شوي اسأله شوو اسمي عمري .. ف هو جذي تلقائيا قال تفاحة الأخضرين اوكيه؟...و انا عطيته احلى بو لباس وانشغلت بالمنتدى لين يا سجل ف المنتدى قال خلاص بسمي نفسي تفاحة الاخضرين..و هكذا القصة ع قولت صندليقي...


البلووووشي....اوول ما سجل...قلت حق تفاحة ...انا البلووشي ابد ماعرف كيف شخصيته....و يوم جفت مواضيعه و مشاركاته اكتشفت دواهي..صحيح هادي و اعتبره اهدا واحد بالمنتدى.. لكن له حضور قوي.... و مواضيعه مختارة بدقة مو حيا الله مواضيع.. و اكتشفت ان العرج دساس و فيه من جنونياتنا و خبالناا... و احب وجوده معاناا ....لا تحرمناا جديدك اخووي..


ميجر ساااااب....هنترررر.... اسلوب مختلف و اداء عجيب... ردوده قليلة و راقية ... ع قولتنا يبي يزيد مساهماته ...يحسب نفسه ذيب الليالي مادري شيسمونه الي يختفي و يظهر فجأة و يبهرنا بشي...و للحين ترا في سجلك الأسود انك كتبت ف زاويتي...حححاااي بيودهاا عليك ...


مااجلاااان اللقلب القديم...اماانت...برووش اللقب الجديد...ما سيكوند بارتنر...الي دوم احب العوزه...مشاركات فعاالة و ابداعات..صحيح مرات ما تحط المواضيع ف محلها لكن تعجبني مواضيعك و سوااالفك ياا رااع الفتك....طيووب و حبوب لكن شرير و
دااهية..امزح امزح... ...و اذكر مرة قال لي افتحي قسم شعر...وين مشاركاتك ف هالقسم مستر سعيد؟؟ ....استمرررر يااا gabbar



شووفي شمووخي....هادي و راقي وله حضور قوي.. مبدع بمشاركاته...و صاحب اكثر عدد مشاركات ف المنتدى....سولفجي و يحب الريس و الاوفر درايف و الشعر و يباله تأديب...و بعد صاحب افكار و يحمسني نشااطه ف المنتدى...كل مرة ابي مشاركاتي تكون اكثر منه بس للحين هو غالبني و بيننا الايام هع.... ....و شووكرن ع الصوورة الحلوة...واصل مشواارك و لا تخمد طاقاتك...



اشكركم من قلبي يا احلى اعضاء...ربي لا يحرمني منكم و من وجوودكم...


و قريبا جدا بعين مشرفين و مراقبين...فـ ترقبووووا...







اختكمـ...

KALIA.....~