قصه حقيقيه. مرعبه .. فيها ينانوه .. اللي يخاف رجاء ما يدش ..

كان يا مكان في قديم الزمان في سالف العصر و الاوان .. سوري انفعلت زياده .. السالفه يديده استوت ف ليله السبت 5 / 5 / 2012 ..

القصه صدق يمكن تخوف .. ترا فيها ينانوه ما ينانوه .. يعني الي قلبه ضعيف ما يقرا احسن له ..
وقد اعذر من انذر .. ما يخصني إذا خفتو ..


القصه صدق حقيقيه .. استوت يدامي .. وانا من شخصياتها يعني .. ف اللي يخاف ما يقرا ..

بعد المقدمه الطويله .. نبدا القصه .. (ليس لأصحاب القلوب الضعيفه ) ..

ما اعرف اكتب قصص .. ف تقبلوها يعني ..
دققو عدل .. ترا شي ينيه (الجن).. و شي بنيه (البنت)

اول شي .. ربيعي الي اسمه حمد .. دش الغرفه وسلم علي .. وعقب اشوي وليد يا .. بعد ما سلم بشوي .. بدا يرمس عن ربيعته ..اسمها موزه .. قال استوت وياها سالفه و دش فيها ينيه وهي وايد تصيح عند خالتها و ما تقدر ترمس عدل و نفسها يضيق .. يعني اعراض وجود الينيه ..

الينيه . ..قالت حق خاله البنت .. وهي داخل البنيه .. أنا واحد مطرشني اسمه سالم و هو يبا البنيه .. وانا اهني اعذبها و اخلي قلبها تباه .. وعقب اشوي البنت قامت تصارخ .. ابا سالم .. اباه لازم .. وصوتها تغير و نفسها قام يضيق .. وجي ..

ها الي استوا وياها العصر تقريبا .. فليل شو استوا .. ربيعي كان يرمس البنيه ع البيري .. والبنيه خايفه وايد .. وربيعي بعد بدا يخاف .. عقب اشوي .. رمسه البنيه تغيرت .. قامت ترمس رمسه جريبه من المغربيه .. بين فتره وفتره .. البنت ترد ترمس .. تقول شو ها اللي انكتب فوق .. أنا ما ادري شو ياسه اكتب .. ما اتذكر اني كتبت ها الشي .. والينيه وايد تعذبني ما اقدر اتحمل .. حمد لا تودرني بروحي ..

الينيه بدت ترمس .. ورمست فتره طويله اشوي .. قالت حق ربيعي انت امنو .. قال لها .. أنا حمد .. ربيع البنيه .. طلعي من البنيه .. وخلينا ف حالنا .. الينيه ردت .. هاي ما بطلع منها .. لازم تحب سالم .. بعذبها لين ما ترضى به .. وان حاولت تدخل بعذبك بعد .. خلك فحالك احسن .. وقالت أنا عقب اشوي بطلع منها لاني قايله لاهلي بيلكم .. بس برد ما بودرها .. اللهجه كانت مغربيه .. ما ادري شو قالت بالضبط .. تراه ف فون ربيعي .. اخاف يزيخ من الموضوع إذا قلتله بكتب قصه عنها .. ول كنت بصور المحادثه ..

المهم .. ربيعي كان خايف اشوي ها الوقت وكل اشوي يطرشلها "اعوذ بالله من الشيطان الرجيم"و قال لي اتصل ف البنيه .. واقرا قرآن ع البنيه يمكن الينيه تطلع .. قلت اوك .. عطني رقمها .. أنا ادري انكم تتوهمون بس شنسوي .. ويوم اتصلت اول مره ما ردت .. رديت اتصلت .. صكت ف ويهي .. جي تقريبا 6 مرات .. عقب اتصلت عليها من فون وليد .. بعد صكت ف ويهي ..

عقب اشوي .. ربيعي قال حق وليد أنا يوعان حدي خنسير الكافتيريا ناكل .. ويوم سارو .. ما ادري شو اللي صار بالضبط .. اسألو وليد .. بس اللي عرفته .. ان الولد
اتصل ف البنيه يوم وصلو الكافتيريا .. والبنيه ردت .. مب الينيه .. قالت جسمي كله يعورني .. ايدي اليسار مول ما احس فيها .. وريولي ما ادري بلاها .. وهو ياس يرمسها .. الصوت ع الفون تغير .. الينيه قامت ترمسه .. قالتله .. خلني وي البنيه احسن .. ول بعذبك نفس ما ياس اعذبها .. قال لها انتي اطلعي منها و خلي البنيه فحالها ..الينيه قالت .. لازم اعذبك يعني ..

وهم يتريون الطلبيه ردت البنيه ترمس .. وعقب اشوي الولد قام يحس بضعف ف ايده اليسار و ريوله .. جي خاف وايد .. وقطع الاتصال ومسح البنيه من اللسته وقال حق وليد المس ايدي .. حوفها وايد ترتجف .. خاف الينيه سوت به شي .. وبسرعه خذو الطلبيه .. ويو الغرفه يقولولي شستوا .. بعد اشوي .. قلتله كل توك قايل يوعان حدي .. قال ما اروم ما احس اني يوعان مالي نفس اكل شي .. وقال حمد أنا وايد خايف بصيح .. ما اقدر اتحمل .. ايدي ما احس فيها .. وجسمي احسه يتعذب من داخل .. بعد اشوي .. بدا يصيح .. وصوته اتغير اشوي .. كانه رد صوت طفل ول واحد صغير .. يقول لي وهو ياس يصيح ..حمد .. والله وايد اتعذب جسمي كله يعورني .. انت تحس فيني ول لا .. حمد قول لي .. وتم يصيح .. صوت صياحه يرتفع اشوي .. مرات ينخفض .. ولمده 30 ثانيه تقريبا .. سكت .. عقبها بدا يصيح مره ثانيه .. وراسه يرتفع وينزل .. يطالع فوق .. يرد يطالعني ويرمس .. يرد يطالع تحت .. عقب يرد يطالع فوق ..

قلتله بس بس هدي .. ليكون انت مصدق السالفه .. ما فيك ينانوه ما ينانوه .. تريا بفتح لك رقيه شرعيه .. عسب تهدا .. فتحت رقيه اسمها .. رقيه تسلط الجن ع الجسد .. شغلته .. قام يصيح اكثر اول شي .. وشوي شوي صياحه قام يخف .. ويخف .. ويخف .. وجي فجأه تم يقول حمد .. أنا اتعذب .. ما اقدر اتحمل .. جسمي كله يعورني .. قلتله اهدا واسمع من قلبك .. وبعد اشوي قال صكه بس بس .. صكيته .. تم ساكت اشوي .. راح يلس ع الشبريه .. وتم يطالع فونه .. وانا اطالعه .. اترياه يسوي شي .. فتح الكيس .. وبدا ياكل .. قلتله ها .. ان شاء الله صرت احسن بعد الرقيه ؟.. قال الحمدلله .. الحين احس براحه اشوي .. وبعد ما خلص الاكل .. اتصل ف البنيه .. قال لها .. احس الينيه يتلي .. حسيت بضيق و تعذبت .. وايدي ما حسيت فيها .. وتم يرمسها وايد .. البنيه قالت .. انت الحين متوهم ول خايف وايد .. تراك رمست الينيه .. اهدا .. ما يتلك .. ورمسو وايد ..

عقب ما قطع الاتصال .. قام يرمسنا .. وحاولنا نهديه اشوي .. قلناله ارقد عندنا الليله .. لا تسير غرفتك .. بتخاف وايد .. وهو ياس يرمسني .. وصلتلي رساله .. من البنيه .. صورتلكم اياها ..



المهم وجي خلصت السالفه .. بييبلكم التكمله إذا استوا شي يديد .. الولد رقد وهو مرتاح ..

اتمنى انها عيبتكم .. والله أنا وايد تحمست .. اول مره مثل هاي الاشيا تستوي يدامي وخاصه منطقتنا مشهوره بالينانوه .. وايدين يقولون يالنا "الياثوم" اليني اللي ايي ويحاول يخنقك وانت راقد ..

سي يو .. لا تخاافون .. أنا للحين مب مصدق اللي استوا .. ورقدت وانا مرتاح الحمدلله ..

يعني بعد فتره الغياب .. حبيت الرده تكون قويه .. ف يبتلكم هاا ..

و هااي هي الصوره ..

اووف فنتااستك
انتو اهناااك متحمسيين واايد و عايشيين الجو
نحن اهني لا عدنا يناانوة ولا شي حتى مليينا من البشر و نتريا الينااوة تسلينا هه

حلوة القصة ولله
شكرا ع القصه الحلوة
و حااسب ما تييك الينيه ههههه
خخخخخخخخخخ

لا تكوون البنيه الي اسمها موزة ولي فيها الينيه هاي بنت خاالتي موزة بنت اسما ههه
ترا هاي بعد نفس الحااله ههههه

اوه سالفة امس ...

مسكين اخوي الحمادي شفقت عليه ...

مم اطني متوهم هو ...
و ف الموتر .. يوم سرنا المطعم كان يرمس البنيه ع الفون .. فجأه يقولي والله ما احس بيدي .. و احس ريلي تنشد ..
المهم هو نزل من الموتر و مشى شوي و رد ركب .. حسيت فيه خوف و كان شوي و يصيح بس ما صاح .
المهم تميت اقوله ياخي انت متوهم و جي .. بس الريال كان خايف وايد ما اقتنع بكلامي ..
و جي. تميت اضحك عليه وهو يبا يصيح ...
المهم ردينا. عند حمد عقب .. و صار الي صار ..
و يوم كان يرمس موزه خذيت منه التلفون قلتلها .. اقولج انتي متوهمه ما فيج لا ينيه ولا شياته ... و خليتي الحمادي.
يتوهم وياج .. لا تقصون ع اعماركم .. ما فيكم شيء ..
المهم ... عقب حمد فتح له الرقيه الشرعيه .. جان اجوفه يصيح حيل ..
كنت بصكه بطراق .. حمد ما خلاني .. لول ..
المهم جي السالفه ...
و أنا لين الحين اقول انه متوهم ...

لا سعيد هذي وحده ثانيه ... والينيه اسمها عليا .. .. طبعن ع حسب كلامهم ..

ههه مسكيين الرياال هههه
انا لييش الينااوه ما تي صووبي خااطري اشووف وااحد اول ما سرت بييت قووم فهد اليديد ترا انا كنت ويااهم و يقوولون اونه شي يني ف بيتهم انا تمييت ادور لين الساعه 2 ف اليل ولله هه و ما لقييت شي و فهد يقوول لي ما في شي يقصوون علينا خلوونا ندوور ههخخخخخخخخخخخخخخخخخخ

اعوذ بالله...اللهم سكنهم في مساكنهم
ربيعك يصيح و انت تقول يتوهم..الله يعينهم..
سعيد خف علينا يا داي الشجاع...
بس حماس..ع الاقل في اكشن عندكم...

داي الشجاع ..خخخ.

خلود شسوي اول مره اجوف الريال يصيح يدامي .. و الصراحه أنا اول مره امر ف هالموقف
ف ما عرفت شسوي ...... والصراحه كلما افكر. ف الموقف اضحك .. و يوم اجوف ويه اخوي حمد اضحك زياده

سلام عليكم.....

ميجر ساب رد !!!!

عموما مفروض ما اقراه .. ترا قلبي ضعيف !! اخاف تيني جلطه و سير فيها !! خخخخخخخ

هذي هي سالفه هااا !! ... و ليدو حمد هذا هو ربيعك حمادي ؟؟؟

حمد قلتلك سالفة ما كراتشي صح ؟؟؟


المهم .. انتو اي سعيد و ساهو هب شي تقولون اكشين ما اكشين الريال خايف و البنية تتعذب و انتو تضحكون عيب عليكم !!! shame on you


خلاص مستوي مطوع انا !!

مع تحيات ميجر ساب

اووووه ميجر رديت بعد طول غياب..
المفروض ما تدخل تفس هالمواضيع...قلبك ما يتحمل...

همم حارتكم ههه
هه ع اساااس ورا بيتنا تعاال ف حاارتنا

ههههههه
اماجي بتودييني عماان هههه
^^

أذا جلب عادي هب مشكله لو يني لازم بيج بيوم ... بس متى الله اعلم يعني حاسبي !!

اي هنتر .. لا تيلس تزيخ البنيه ...

انتي بس جي تفكرين .. مب يني .. لا تحاتين ..


يسلموووووو اول ع المرووووووور ..

والسالفه خلصت وربيعي طبيعي 100% .. مب انتي حمدو .. خخ

سوري ع التأخير بس شسوي .. تعرفون اشغال الجامعه ..